كيف خالتي ممكن تحميك من كورونا، بسهولة

 بيوم من الايام وانا قاعد مع خالتي ريتا قعدة حكم وموعوظات، حكتلي قصة اقنعتني بأهمية موضوع المحلية وكيف ممكن تحمينا  وتحمي مجتمعاتنا

 .المحلية هي اساس المشرق اللي انسلب منا، بس الحمدلله لسا موجود عند اهلنا والكبار بالعمر

خالتي ريتا الفخمة

القصة كالتالي. خالتي هي مختارة الحارة بوحدة من مناطق عمان القديمة. هالحارة كلها كبار ومعروفة بحيويتها. يعني لازم يجتمعو كل اكمن يوم عند خالتي او حدا تاني، بعملو صبحيات قهوة بناقشو  مواضيع الحارة ومن هالسواليف. هلا ازا احتاج حدا اشي زي مصاري بعملو جمعية وبساعدو، وخالتي هي الحدا الموثوق بهالإشيا

المهم ، منلما بلشت الكورونا وهمة ماخدين كل احتياطاتهم، لحد ما صار الموضوع جد و طلعت عندهم اول حالة بالحارة 

هون خالتي اخدت زمام الامور. اول اشي عملته هو انها خبرت كل الحارة. بعدين، ضلت على تواصل مع المصابة وجوزها. هلا اول مرة جوزها طلعت نتيجته سلبية بس خالتي ما ارتحلها بال. وعارفة هالمتجوز جديد انه طايش. فضلّتها ملزقة بالشباك البطّل عالحارة. وفعلا شكوكها طلعت بمحلها

فيش يومين ولا شافت العريس طالع من البيت، هون هي ولعت. رنت عكل الحارة. حكتلهم ولا واحد يفتحله الباب، ورنت عدكانة الحارة وحكتله ما تبيعه وما تاخد منه مصاري

الكل خاف ورد عليها. الزلمة روّح عالبيت وهي عشان إتأكد عليه اكتر، رنت عإمه وخلته ينحجر بالبيت خمس ايام وريجع يفحص بعدها عشان يتأكدو انه مش مصاب

فش بعد خمس ايام ولا بفحص ايجابي. هون كل الحارة فهمت ليش خالتي عملت كل هالبلبلة وانبسطوا انها حمت الحارة من  انتشار الفيروس اللي كان ممكن يقتل حيوية الحارة وممكن يقتل الكبار بالعمر لا سمح الله

هلا خالتي كل ما حدا يزورها بتحكيله عن المطعوم واقنعت الحارة تسجل لتاخده. ولا، مش بس هيك، قبل يومين مبهدلة إم بالحارة حاطة بالطلب انه عندها امراض وهي ما عندها عشان تاخد اولوية بالدور

المهم، خلينا نرجع لأيام المحلية ونحمي حالنا ونحمي حبابانا

،سلام

ادمون