Levantyne

 من لما اجيت عمصر، الاوبر اشتغل من اول يوم عندي عالموبايل، دلع السيارة اللي عندي اياه بعمان راح، بح اول مرة بنزل فيها عالزمالكلك المهم، اللي صدمني طول هالفترة، هوة الثقة اللي بكونوا فيها شوفيرية اوبر بمصر لما يفتو من وين انا بدون ما حتى يسألوني يعني مثلاً، بتكون تحكي بأمان الله مع خطيبتك بعمان، بس تسكر الخط، بلف عليك الزلمة وبقلك "الشام عاملة ايه؟". هلا انا هون بقله انا من الاردن، برد علي بالجواب المصري الاصلي "اجدع ناس". تسلم، حبيبي هلا النهفة التانية هي لما يشوفو اسمي "ادموند" بسألوني: "بيروت عاملة ايه؟"، نفس السيناريو بنعاد "انا من الأردن" "اجدع ناس".. وهلما جرا شي سبعتشر مرة.  في مرا واحد حتى تحمس كتير ونط يسألني "انت كونك لبناني، رأيك ايه بحزب الله؟" قلتله يستر عليك عمي، انا أردني، دغري حول "انا بحب الملك عبدلله". والله وانا كمان صدق الخلاصة، قد ما نلف وندور وندبّح بعض، احنا كمشرقيين، فجيبة وحدة، دمنا زيت زيتون، ولغتنا مشرقية مفزلكة احلى منها الله ما خلق، حط اردني وفلسطيني وسوري ولبناني مع بعض وبفهمو ع

هاي الحلقة مع حسين قنديل، كريم الحاف، علي محمود وادمون شامي عن الكتابة باللغة المحكية، اي احرف نستخدم وكيف ننشر كتب بلغتنا المحكية اكتر

  ما حدا شِافو عم يرسي بهِاك اللّيل المْحَوِّق، ما حدا شاف شختورة الخيزران عم بِتغُطّ بالوَحل المقدّس، بَس بعد كم يوم، ما حدا كان جهْلان إنّو هالزّلمه السكّيت جايي من الجنوب، وإنّو بلدو هيّي وحده من الضِيع الما بتخلص ع منبع النّهر، ع السَّفح الجبلي الدِّبِش، وين لغة “الـزِّند” مش ملوّته باليوناني، ووين القِرطام مَنّو شايع. هلّي أكيد، هوّي إنّو هالزّلمه المغبّش باس الوحلات، وطلع بضفّة النّهر بلا ما يفرّق (وإحتمال بلا ما يحسّ بـ) القصبات يلّي نَجْوَرو من لحمو، وشَحْشَط حالو، لَعيان ومدمّى، لحدّيت التّصوينه المدوّره والمتوّجه بنمر أو حصان حجر كان بيوم من لون النار وهلّق صار من لون الرماد. هَكِ الدوَّيره كانت معبد، لَهَطتو الحرايق العتيقه، ودنّستو البرّيه المْخَمِخْمِه، وربّو بطّل يسلقّى فيه تِمجيدات البشر. تسطّح الغريب تحت رْكيزة التاج، وعّتو الشمس العاليه، شيّك ع جروحو من دون ما يستغرب إنّن تسكّرو؛ وغمّض عيونو الدَبْلانين ونام، مش من ورا تعب بدنو، من عزّ إرادتو. كان بيعرف إنّو هالمعبد هوّي المطرح المطلوب تيحقّق هدفو الما بينرضا بأقل منّو؛ كان بيعرف إنّو السَّجَر الأهوَش ع مْصبّ الميّ

  احنا عايشين بمرحلة عويصة صرلنا تقريباً شي سنتين. ضربتنا الكورونا وبطلنا عارفين شو نعمل بحياتنا لحسن الحظ، احنا بالمشرق هون، اهل الحكمة (بس اكيد بالآخر، رأس الحكمة مخافة الله). المهم من لما طلع مطعوم كورونا السنة الماضية، الناس اتفرقت لجماعتين: مع/ضد  بس ما حدا عارف شو الاحسن، ناس بتحكي انه المطعوم مفيد وناس بتحكي ما بتعرف شو رح يصرلك بعد فترة. بس لو رجعنا بالزمن لحكم بحكوها اهالينا، شو ممكن نستفيد عشان ناخد قرارنا؟ انا لما اجيت اقرر، اتزكرت حكمتين بابا -يعطيكم عمره- كان يضل يحكيهم واللي همة ١) "حط راسك بين هالروس وقول يا قطّاع الروس": خلص، واضح من اوليتها انه رح يصير موضوع التطعيم غصب، فليش تعاند الحكومة وكل حدا؟ ٢) "مو جابرك عالمُر الا الامَر منه": هالفيروس لعين. قتل ملايين من الناس ولسا ما هدي، واللي نفد منه، صحته ما رجعتله زي اول. فالمطعوم لو اله اعراض جانبية، بضل اهون من الفيروس نفسه، والواحد برتاح شوي ازا لا سمح الله انصاب فعشانكم وعشان حبابكم، نصيحتي الكم، اسألو دكتوركم وازا بحكيلكم خدو المطعوم، خدو، خلينا نطلع منهالبلا ،حبيبكم ادمون شامي

 احنا شعب كتير مفزلك، يعني ما عنا ولا ادنى احترام للغتنا العامية المحكية. يعني لو بدنا نحكي اشي علمي، على سبيل المثال، دغري منّط عالانجليزي او الفصحى. مش عارف شو السبب اللي خّلى العامية لغة لغة شوارع بس، بتزبطش للاشي العلمي االادبي. هو الامركان احسن منا بشو يعني؟ عشان هيك قررنا نعمل فكرة جديدة اسمها "علمي علمك" عالموقع وللي لح (او رح) نصير نترجم فيها مصطلحات علمية للعامية المشرقية اول مصطلح رح (او لح) انترجمه هو "خفض الخسائر" / "Cut the Losses"  هالمصطلح عادة مستخدم بالشغل والاستثمار، بس يكتشف الشخص (او مجموعة) انه الاشي اللي كانو بشتغلوا عليه فش منه فايدة "الترجمة العامية تاعتنا: "اختصر    بالعامية بس تصير مشكلة بين تينين، واحد منهم حمار، بصيروا يحكو للتاني "اختصر" عشان ازا ضل معند مع الحمار، بصير حمار زيه ازا عندكم كلمة احسن، اكتبوها بالكومنتس، او اي مكان ممكن نشوفه سلام

هاي الحلقة كانت مع علي الزغرداني وفراس شعيب وادمون شامي عن الأكل المشرقي كانت دردشة لطيفة، فيها شوية تاريخ، شوية مسخرة، وشوية معلومات غريبة

انا وأبو النبل مرة كنت بالسيارة مع ابوي بالطريق عالشغل، وفي موضوع كان محيرني، وصرلي فترة بفكر في. فلفيت عأبوي وفجاءة سالته: بابا، المسيح حكى "اِسْأَلُوا تُعْطَوْا. اُطْلُبُوا تَجِدُوا. اِقْرَعُوا يُفْتَحْ لَكُمْ.[١]" وانا في كتير أشياء بدي إياها، ومش حاب اطلبها من حدا اتطلع علي، ضحك، ورد علي بجواب غير كل حياتي: "يسوع قصده اطلب من الله، مو من الناس، عمرك ما تطلب اشي من بني آدم" وفعلا، نزلت من السيارة وفتت عالشغل، حطيت السماعات وبلشت افكر وبلشت فعلا اسأل الله واطلب منه أشياء (اللي معظمها كان أشياء مادية). المهم، قلت خنشوف شو رح يصير معنا بعد فترة، رجعت الرغبة فيي انه خلص بدي هاي الأشياء، زهقت، اضايقت، انه خلص بدي اطلبها من الناس، قرفت وانا استنى. بعدين، خطوة بخطوة، من خلال قرائاتي، ومعرفتي بناس جداد بحياتي، صدفت انه كل اشي كنت بطلبه طلعلي بالكتب اللي بقراءها والمواضيع اللي كنت افتحها مع الناس الجداد، واكتشفت انه حياتي بتكون احسن بدون هاي الأشياء اللي كنت اطلبها! وفعلا لو اخدتها، كان حياتي بتكون اسوء انصدمت فرجعت، شكرت الله، وصرت اطلب من اول وجديد، بس هاي المرة طلبت اش